sansinukob ni lupisan

Daming nasusot na Pinoy sa Desperate Housewives dahil sa isang joke. Ito e sa isang eksena kung saan e sinabi ng doktor na ang karakter ni Teri Hatcher (ng Lois and Clark sa Channel 5 noong araw) e maaaring nagmemenopause na. Heto yung palitan ng linyang iyon.

"Listen, Susan, I know for a lot of women the word ‘menopause’ has negative connotations. You hear ‘aging,’ ‘brittle bones,’ ‘loss of sexual desire,’ " the gynecologist tells her.

"OK, before we go any further, can I check these diplomas? Just to make sure they aren’t, like, from some med school in the Philippines?" Susan fires back.

Ikinasuya ito ng mga Pinoy dito at ng mga Pinoy na doktor sa US. Nakakasira raw iyon sa imahe ng Pinoy.

Bilang sagot ni Biazon, Secretary of national Defense, i-ban raw sa Pinas ang palabas.

Pag-aralan natin ang pangungusap. Bagama’t hindi ko napanood ang partikular na palabas na ito, e suriin natin. "OK, before we… Just to make sure they aren’t, like, from some med school in the Philippines." 

Ang salitang ’some’ rito pwedeng ipalusot bilang quantifier raw. Some, hindi lahat.

Pero ang some rito e hindi laang sa ganoong paraan ginamit. Para na rin yang "Some boyfriend you got" na comment ng kaibigan mo dahil napakalaking kupal ng shota mo. O kaya e "Some defense" -reaksyon ko sa reaksyon ni Biazon. "Some vacation this is," habang nanonood kayo ng shota mo ng Jaws sa imbes na mag-Boracay kayo tulad ng pangako mo. O kaya "Some face you have…"

Pag sinabi mong some med school in the Philippines, ibig sabihin ba noon e lahat ng med school sa Pinas e patakbuhin o… baka sa isang patakbuhing school sa Pilipinas, tulad ng ________________ (insert name of your rival school)?

Ito ba:

Alin man roon. Humingi na ng paumanhin ang palabas at pinagworkshop na sila sa cultural sensitivity na para na ring katumbas ng nahulian ka ng traffic violation at pag-aaralin ka uli ng pagmamaneho. Pero, hindi naman ito cultural insensitivity. Talagang cheap shot ‘to. Hindi naman tanga yung mga yun na hindi naisip na maaari silang makapikon ng isang lahi.

Isang lahi na hindi mo rin naman maituturing na sensitibo. Halimbawa: Kapag makulit ang bata ano panghirit ng mga magulang? "Ibibigay kita sa Bumbay." E lugar sa India yun e. Ni hindi nga iyon dapat pangalan nila. Hindi tayo maabala para tawagin sila nang tama, tapos mapipikon tayo?

Pag Muslim sa isang lugar Luzon, ang tawag kagad sa kanay Muslim. "Naghahanap ka ba ng sinturon? Ke Muslim meron nun." 

Sa mga pelikulang komedya noong 90s e lagi na laang merong bayong na dala ang karakter promdi na hindi alam kung pano tatawid ng kalsada.

Sa isang episode ng "Aalug-alog" o kung anumang shitcom yun (oo, napanood ko ito) e merong eksena na ang isang mataba’t kalbong karakter e sinabi ng isang karakter na kamuka raw ni Buddha. Tapos, yung isang estatwa ni Buddha e nag-morph at naging kamuka nung nabanggit na karakter. Ito ang cultural insensitivity dahil talagang tanga ang karamihan sa mga Pinoy pagdating rito. Hindi nila alam na merong mga Buddhist. Ang alam nila sa Buddhist monk e yung mga sumisirko sa ere at merong tuldok sa noo.

Ano ba ang pagkakakilala ng mga Pinoy ke Buddha? Alkansya. Matabang kalbong merong maraming anak. Ano kaya’t baligtarin ng ang sitwasyon?

Jesus Saves… your coins for you

Masyado tayong pikon para sa isang lahing insensitibo sa kultura ng iba. Ang kapareho natin e yung kaklase mo noong elementary na malakas mang-asar, pero pag siya inasar e napipikon at nagsusumbong sa adviser. 

E ano pa aasahan mong aanihin kung meron mga kang kalahing doktor at pupunta ng US para maging nurse? Ito yung matagal ko nang sinasabi tungkol sa mga lintek na doktor na yun. Dahil sa kagustuhan nilang kumita sa ibang bansa e hindi nila iniisip na hindi lang sarili nila dala nila kungdi ang bansang pinanggalingan nila. Doktor natin e nurse nila. Pag sinabi nilang sila e naghihirap, aba’y e papaano na yung mga hindi doktor dito? Hindi paghihirap tawag run kundi paghahangad -na kung hindi laang alkansya’t pelikula laang ang alam mo sa Budismo e siyang mitsa ng lahat ng paghihirap mo sa mundo.

Ngayon, kung meron mang dapat sisihin e yung mga doktor na nagpaka-nurse. Walang ibang dapat sisihin. Bilang isang palabas na desperado sa ratings e hihirit yan ng kahit ano. Ginawa ng mga dok-nurse na target ang ating  bansa sa kanilang desisyong maging nurse.

Alam ko na nasa isip mo. Huwag mo nang ihirit ang "Mahirap na kasi ang buhay kaya nila nagawa yun." Kung ganoon kahirap ang buhay, wala ka nang panahon para mapikon dahil tungkol sa pagkita ng pera ang iisipin mo at hindi ang panonood ng Desperate Housewives. Alam kong magagaling ang mga Pinoy. Marami tayong mahuhusay na Pinoy na doktor run na hindi nagpaka-nurse (At mahuhusay rin ang ating mga nurse doon). Nadadamay sila dahil meroroon tayong mga doktor na nagpaka-nusrse nga kasi. Dahil sa kagagawan ng ilang ito, damay-damay na tuloy lahat. Bilang Kano, anong iisipin mo pag nalaman mong ang isa sa mga nurse sa staff mo e doktor pala dati sa bansa niya? Di ba iisipin mong some med school lang siguro yun o kaya e talagang walang kwenta ang PInoy na doktor kaya’t nurse siya.

Isipin mo kung meron isang Indonesian sa Pinas. Nalaman mong siya radiologist sa bansa nila pero taga-xerox siya ng mga handouts mo sa university. Anong iisipin mo? Some radiology school in Indonesia? O kaya e teacher siya sa Indonesia. Dito e assistant siya ng teacher. Some normal school in Indonesia.

Kung meron mang dapat masusot rito e ang mga Pinoy na base sa Pinas. Fil-Am man sila o imigrante dahil doon naganap ang lahat. Na-establish ko na na tayo bilang isang lipi e hindi dapa pikon dahil tayo mismo e mga gago rin pagdating sa kultura ng iba. Pero sila na patuloy na makikihalubilo sa mga Kano at ibang lipi e apektado nito. Pero para sa mga Pinoy na hindi naman nakakanood nito sa tv (palabas ba ‘to sa Channel 9 o 5 ngayon?), walang problema. Tayu-tayo laang naman magkakasama. Asarin na laang natin yung mga Bumbay, mga Kano, Budist, promdi, atbp. Pero, ganun pa rin, yung mga kapwa Pinoy dok-nurse rin na yun ang dapat sisihin.

*Para iligtas ko na kayo sa pag-aaksaya ng oras sa akala ninyong minamaliit ko ang mga nurse: Hindi ko minamaliit ang mga nurses. Napakalaking bagay ang naiaambag niyan sa atin. Mula sa remittances abroad, mga taos-pusong pagtulong nila sa sariling bayan hanggang sa pinakaseksing uniporme sa lahat ng uri ng trabaho sa mundo (daig pa ang sa Watson’s).

Pero ano pa nga ba tawag mo run kundi demotion? Doktor ka dati sa Pinas, tinatawag kang "Doc" ng marami, ng ka-batch mo kahit hindi mo sila pasyente, ikaw ang humihing dati ng scalpel, pero ngayon e ikaw na ang tagaabot at Dela Cruz na ang tawag sa yo ni Dr. Anderson. Ano tawag mo run?